مكالمه تليفون

مكالمه تليفون

بعد مرور السنين صحيت على مكالمة تليفون
من صوته عرفت مين جاتلى حاله من الجنون

قالى ايوه مين معايا .. رديت انا بنفس الحكايه

قالى مين معقوله انتى بجد انتى ايوه قولى انك انتى
قولت مين وانا عارفه صوته قالى ايوه انتى حبيبتى

سالته جبت رقمى منين.. قالى القدر جمعنا حبيبين

بس ليه سبتينى ليه نستينى ليه ورحتى فين
غبتى ليه بعدتى ليه و توهتى ليه بين السنين

رديت انا زى ما انا فاكره الهنا بينك و بينى
فاكره عينيك لمسة ايديك و عشت ليك على ذكرى حنينى

وفجاءه

سمعت صوت طفل صغير بيقوله هت اكلمها
لقيت جوايا سؤال يحير خوفن على روحى لا االمها

سؤالى كان مخوفنى سالته مين اللى عايزنى الطفل ده يعرفنى
و ضعفى كان غالبنى

رد بصوته الحزين حطم حلم السنين جاوب بنبرة انين
الطفل ده يبقى ابنى

ــــــــــــــــــــــــــــــــــــــ